வயது சதத்தை எட்டியதா? இதோ அரசின் சலுகை!

சர்வதேச முதியோர் தினத்தை முன்னிட்டு இலங்கையில் உள்ள 100 வயதுக்கும் மேற்பட்ட முதியவர்களை கௌரவப்படுத்த அரசாங்கம் தீர்மானித்துள்ளது.

எதிர்வரும் ஒக்டோபர் மாதம் முதலாம் திகதி சர்வதேச முதியோர் தினம் நாடளாவிய ரீதியில் கொண்டாடப்படவுள்ளது.

இந்த நிலையில் 100 வயதைக் கடந்த முதியவர்களின் தகவல்களையும், ஒரு குடும்பத்தில் 15 பிள்ளைகளுக்கு மேல் உள்ள இருக்கும் 75 வயதிற்கு மேற்பட்ட முதியவர்களின் விபரங்களும் திரட்டப்படுகின்றன.

எதிர்வரும் ஒக்டோபர் மாதம் 1ம் திகதி பத்தரமுல்லையில் வைத்து இவர்களுக்கு பெறுமதியான பரிசில்கள் வழங்கி கௌரவிக்கப்படவுள்ளனர்.

இதன்படி, தமது விபரங்களை 31ம் திகதிக்கு முன்னர் தாம் வசிக்கும் பிரதேச செயலகத்திற்கு தெரிவிக்கும் படி தேசிய முதியோர் செயலகம் குறிப்பிட்டுள்ளது.