அஜித்தின் அடுத்த படம் குறித்து வெளியான தகவல்!

அஜித் – வித்யாபாலன் – ஷ்ரத்தா ஸ்ரீநாத் நடிப்பில் எச்.வினோத் இயக்கத்தில் உருவாகி இருக்கும் படம் `நேர்கொண்ட பார்வை’.

ஸ்ரீதேவியின் கணவர் போனி கபூர் இந்த படத்தை தயாரித்துள்ளார். அஜித்தின் அடுத்த படமான தல 60 படத்தையும் இவரே தயாரிக்க இருக்கிறார்.

அந்த படத்தையும் எச்.வினோத் இயக்க இருப்பதாக முதலில் தகவல்கள் வெளியாகியிருந்த நிலையில் அஜித்துக்காக அரசியல் கலந்த திரில்லர் கதையை வினோத் உருவாக்கியதாக கூறப்பட்டது.

இருப்பினும் அரசியல் கதையில் விருப்பம் இல்லாத அஜித் வேறு கதையை தயார் செய்யும்படி கூறியதாக கூறப்பட்டது.

இந்தநிலையில் எச்.வினோத்துக்கு பதிலாக வேறு ஒரு இயக்குநருடன் அஜித் இணையவிருப்பதாக தகவல் வெளியானது.

இதற்கிடையில் அஜித்தின் அடுத்த படத்தை வினோத் இயக்குவது உறுதி செய்யப்பட்டுள்ளதாக நம்பத்தகுந்த வட்டாரத்தில் இருந்து தகவல்கள் வெளியாகியுள்ளன.