உருளைக்கிழங்கு பொடிமாஸ்

உருளைக்கிழங்கு பொடிமாஸ் செய்முறையை இன்று தெரிந்து கொள்வோம்.

தேவையான பொருட்கள் :

உருளைக்கிழங்கு – 200 கிராம்
மஞ்சள்தூள் – கால் தேக்கரண்டி
துருவிய இஞ்சி – 1 தேக்கரண்டி
எலுமிச்சம்பழம் – 1
உப்பு, எண்ணெய் – தேவையான அளவு
கொத்தமல்லி – சிறிதளவு

பொடிப்பதற்கு :

மிளகாய் வற்றல் – 4
உளுத்தம்பருப்பு – 1 மேசைக்கரண்டி
பெருங்காயம் – 1 துண்டு

தாளிக்க :

கடுகு – 1 தேக்கரண்டி
உளுத்தம்பருப்பு – 1 தேக்கரண்டி
கடலைபருப்பு – 1 தேக்கரண்டி
கறிவேப்பிலை – சிறிதளவு

செய்முறை :

கொத்தமல்லியை பொடியாக நறுக்கி வைத்துக் கொண்டு, உருளைக்கிழங்கு வேக வைத்து தோல் நீக்கி உதிர்த்து கொள்ளவும்.

பொடிப்பதற்கு கொடுத்துள்ள மிளகாய் வற்றல், உளுத்தம்பருப்பு, பெருங்காயம் மூன்றையும் சிறிது எண்ணெயில் வறுத்து பொடி செய்து கொள்ளவும்.

வாணலியை அடுப்பில் வைத்து எண்ணெய் ஊற்றி சூடானதும தாளிக்க கொடுக்கப்பட்டுள்ள பொருட்களை போட்டு தாளித்து பின் மசித்த உருளைக்கிழங்கை சிறிது மஞ்சள்தூள் உப்புடன் சேர்த்து பிரட்ட வேண்டும்.

அடுத்து அதில் துருவிய இஞ்சி, பொடித்து வைத்துள்ள பொடி இரண்டையும் சேர்த்து எல்லாவற்றையும் நன்கு கலந்தபின் கொத்தமல்லி தூவி அடுப்பை அணைக்கவேண்டும்.

கடைசியில் எலுமிச்சம்பழத்தை பிழியவேண்டும்.

இப்போது சுவையான உருளைக்கிழங்கு பொடிமாஸ் ரெடி.