வாழைப்பூ பக்கோடா

வாழைப்பூ பக்கோடா செய்வது எப்படி என்று தெரிந்து கொள்வோம் வாங்க.

தேவையான பொருட்கள் :

கடலைமாவு – 200 கிராம்
அரிசி மாவு – 50 கிராம்
இஞ்சி பூண்டு பேஸ்ட் – 1 ஸ்பூன்
மிளகாய் தூள் – 1 ஸ்பூன்
பெருங்காயம் – சிறிதளவு
உப்பு – தேவையான அளவு
வெண்ணெய் – 1 ஸ்பூன்
எண்ணெய் – பொரிக்க தேவையான அளவு

செய்முறை :

வாழைப்பூவை சுத்தம் செய்து ஆய்ந்து கழுவி பொடியாக நறுக்கி வைத்துக் கொண்டு, வாணலியில் சிறிது எண்ணெய் ஊற்றி நறுக்கி வைத்துள்ள வாழைப்பூவை போட்டு சிறிது வதக்கி வைத்து கொள்ளவும்.

ஒரு பாத்திரத்தில் வதக்கிய வாழைப்பூவை போட்டு அதனுடன் கடலை மாவு, மிளகாய் தூள், உப்பு, இஞ்சி பூண்டு பேஸ்ட், அரிசி மாவு, வெண்ணெய், பெருங்காயம் தூள் சேர்த்து சிறிதளவு தண்ணீர் விட்டு உதிரியாக பிசைந்து கொள்ளவும்.

வாணலியில் தேவையான அளவு எண்ணெய் விட்டு சூடானதும் பிசைந்து வைத்துள்ள மாவினைக் கிள்ளிப் போட்டு பக்கோடாக்களாக பொரித்து எடுக்கவும்.

இப்போது வாழைப்பூ பக்கோடா தயார்.