09-02-2019 இன்றைய ராசிபலன்கள்

09-02-2019 சனிக்கிழமை விளம்பி வருடம் தை மாதம் 26-ம் நாள். வளர்பிறை. சதுர்த்தி திதி காலை 9.46 மணி வரை பிறகு பஞ்சமி. உத்திரட்டாதி நட்சத்திரம் பிற்பகல் 2.59 மணி வரை பிறகு ரேவதி. யோகம்: சித்தயோகம் பிற்பகல் 2.59 மணி வரை பிறகு மரணயோகம்.

நல்ல நேரம் 7-8, 10.30-1, 5-8, 9-10.
எமகண்டம் மதியம் மணி 1.30-3.00.
இராகு காலம் காலை மணி 9.00-10.30.
குளிகை: 6:00 – 7:30.
சூலம்: கிழக்கு.

பொது: திருநெல்வேலி சாலை குமாரசுவாமி வருஷாபிஷேகம், திருநள்ளாறு சனீஸ்வர பகவான் சிறப்பு ஆராதனை.
பரிகாரம்: தயிர்.

மேஷம்

விடாப்பிடியாக செயல்பட்டு சில வேலைகளை முடிப்பீர்கள். உறவினர், நண்பர்களுடன் மனத்தாங்கல் வரும். வெளிவட்டாரத்தில் அலைச்சல் அதிகரிக்கும்.

ஆடம்பரச் செலவுகளால் சேமிப்புகள் கரையும். உத்யோகத்தில் மேலதிகாரியால் சங்கடங்கள் வரும். போராடி வெல்லும் நாள்.

ரிஷபம்

குடும்பத்தாரின் எண்ணங்களை கேட்டறிந்து பூர்த்தி செய்வீர்கள். உங்களால் மற்றவர்கள் ஆதாயமடைவார்கள். நீண்ட நாட்களாக பார்க்க நினைத்த ஒருவரை சந்திப்பீர்கள்.

மனதிற்கு இதமான செய்தி வரும். வியாபாரத்தில் வேலையாட்கள் மதிப்பார்கள். உத்யோகத்தில் சக ஊழியர்கள் பாராட்டுவார்கள். சிறப்பான நாள்.

மிதுனம்

சொன்ன சொல்லை காப்பாற்றுவீர்கள். உறவினர், நண்பர்கள் சிலர் உங்கள் உதவியை நாடுவார்கள். சுப நிகழ்ச்சிகளில் கலந்துக் கொள்வீர்கள். பழைய பிரச்னைகளுக்கு சமூக தீர்வு காண்பீர்கள்.

வியாபாரத்தில் புது வாடிக்கையாளர்கள் அறிமுகமாவார்கள். உத்யோகத்தில் உங்களின் திறமைகள் வெளிப்படும். முயற்சிகள் பலிதமாகும் நாள்.

கடகம்

குடும்பத்தாரின் ஒத்துழைப்பு அதிகரிக்கும். வெளிவட்டாரத்தில் மதிப்புக் கூடும். வராது என்றிருந்த பணம் கைக்கு வரும். விலகி நின்றவர்கள் விரும்பி வருவார்கள்.

நண்பர்கள் பக்கபலமாக இருப்பார்கள். வியாபாரத்தில் புது தொடர்பு கிடைக்கும். உத்யோகத்தில் தலைமையின் நம்பிக்கையைப் பெறுவீர்கள். புது அத்தியாயம் தொடங்கும் நாள்.

சிம்மம்

சந்திராஷ்டமம் நீடிப்பதால் சின்ன சின்ன அவமானங்கள், மனக்கலக்கங்கள் வந்துப் போகும். மற்றவர்களை சார்ந்து இருக்க வேண்டாம். முக்கிய விஷயங்களை நீங்களே நேரடியாக சென்று செய்வது நல்லது.

உங்களின் திறமையை சிலர் குறைத்து மதிப்பிடுவார்கள். வியாபாரத்தில் வாடிக்கையாளர்களின் எண்ணிக்கை குறையும். உத்யோகத்தில் சக ஊழியர்களால் உங்கள் பெயர் கெடாமல் பார்த்துக் கொள்ளுங்கள். பேச்சில் இங்கிதம் தேவைப்படும் நாள்.

கன்னி

பிள்ளைகளின் கோரிக்கைகளுக்கு முக்கியத்துவம் தருவீர்கள். கேட்ட இடத்தில் உதவிகள் கிடைக்கும்.

தாயாரின் உடல் நலம் சீராகும். வியாபாரத்தில் நெளிவு, சுளிவுகளை கற்றுக் கொள்வீர்கள். உத்யோகத்தில் புது அதிகாரி உங்களை மதிப்பார். தன்னம்பிக்கை துளிர்விடும் நாள்.

துலாம்

குடும்பத்தினர் உங்கள் ஆலோசனையை ஏற்பார்கள். வீட்டை விரிவுப்படுத்தி கட்ட திட்டமிடுவீர்கள். அதிகாரப் பதவியில் இருப்பவர்களின் நட்பு கிடைக்கும்.

வியாபாரத்தில் புகழ் பெற்ற நிறுவனத்துடன் புது ஒப்பந்தம் செய்வீர்கள். உத்யோகத்தில் சில நுணுக்கங்களை கற்றுக் கொள்வீர்கள். அமோகமான நாள்.

விருச்சிகம்

மற்றவர்களை நம்பி எந்த வேலையையும் ஒப்படைக்கக் கூடாது என்று முடிவெடுப்பீர்கள். உறவினர்களில் உண்மையானவர்களை கண்டறிவீர்கள்.

அக்கம் பக்கம் வீட்டாரின் அன்புத் தொல்லை குறையும். கடையை விரிவுப்படுத்துவீர்கள். உத்யோகத்தில் அமைதி நிலவும். நினைத்தது நிறைவேறும் நாள்.

தனுசு

திட்டமிட்ட காரியங்களை சிறப்பாக முடிப்பீர்கள். தாய்வழி உறவினர்களால் வீண் செல வுகள் ஏற்படும். மகளுக்கு நல்ல வரன் அமையும். கலைப் பொருட்கள் வாங்குவீர்கள்.

வியாபாரத்தில் அதிரடி மாற்றம் செய்து லாபம் ஈட்டுவீர்கள். உத்யோகத்தில் புதிய சலுகைகள் கிடைக்கும். உழைப்பால் உயரும் நாள்.

மகரம்

குடும்பத்தினருடன் சுப நிகழ்ச்சிகளில் கலந்துக் கொள்வீர்கள். அரசாங்க விஷயங்கள் சாதகமாக முடியும். பூர்வீக சொத்துப் பிரச்னையில் நல்லதீர்வு கிடைக்கும்.

உறவினர்கள் மதிப்பார்கள். வியாபாரத்தில் அதிரடியான திட்டங்கள் தீட்டுவீர்கள். உத்யோகத்தில் உங்கள் கருத்திற்கு ஆதரவுக் கிட்டும். நினைத்ததை முடிக்கும் நாள்

கும்பம்

கணவன் மனைவிக்குள் அன்யோன்யம் பிறக்கும். தோற்றப் பொலிவுக் கூடும். புதியவர்கள் நண்பர்களாவார்கள். உடல் நலம் சீராகும்.

விசேஷங்களை முன்னின்று நடத்துவீர்கள். வியாபாரத்தில் எதிர்பாராத லாபம் வரும். உத்யோகத்தில் சகஊழியர்கள் ஒத்துழைப்பார்கள். புத்துணர்ச்சி பெருகும் நாள்.

மீனம்

ராசிக்குள் சந்திரன் தொடர்வதால் சில விஷயங்களில் திட்டமிட்டது ஒன்றாகவும், நடப்பது ஒன்றாகவும் இருக்கும். உறவினர், நண்பர்களை பகைத்துக் கொள்ளாதீர்கள்.

யதார்த்தமாக நீங்கள் பேசுவதைக் கூட சிலர் தவறாகப் புரிந்துக் கொள்வார்கள். வியாபாரத்தில் பழைய சரக்குகளை போராடி விற்பீர்கள். உத்யோகத்தில் சக ஊழியர்களுடன் பனிப்போர் வந்து நீங்கும். நாவடக்கம் தேவைப்படும் நாள்.