162 கிலோ கோழி இறைச்சியை எடுத்துச் சென்றவருக்கு காத்திருந்த பேரதிர்ச்சி!

மட்டக்களப்பு காத்தான்குடியில் இருந்து பதியத்தலாவை பிரதேசத்திற்கு படி சிறிய ரக வாகனத்தில் சுகாதார முறையற்ற முறையில் 162 கிலோ கோழி இறைச்சியை எடுத்துச் சென்ற ஒருவருக்கு 20 ஆயிரம் ரூபாய் தண்டப் பணம் செலுத்துமாறும்

இறைச்சியை பறிமுதல் செய்து உடன் அழிக்குமாறு மட்டக்களப்பு நீதவான் நீதிமன்ற நீதவான் றிஸ்வான் இன்று செவ்வாய்க்கிழமை (12) உத்தரவிட்டார்.

புல்லுமலை பொதுச் சுகாதார பரிசோதகர் பொன்னம்பலம் மனேகரன், கரடியனாறு பொதுச் சுகாதார பரிசோதகர் த.ரவிவர்மா ஆகியோர் கொடுவாமடு பிரதேசத்தில்

வீதியால் செல்லும் வாகனங்களை நிறுத்தி பரிசோதனையில் இன்று (12) செவ்வாய்க்கிழமை ஈடுபட்டுக் கொண்டிருந்தனர்.

இதன்போது பதியத்தலாவை நோக்கிச் சென்ற படி சிறிய ரக வாகனத்தை நிறுத்தி சோதனை செய்தபோது வாகனத்தில் புளி மூட்டைகளுடன் சுகாதார முறையற்ற முறையில் 162 கிலோ கோழி

இறைச்சிகளை கொண்டு செல்வதை கண்டுபிடித்ததையடுத்து ஒருவரை கைது செய்ததுடன் கோழி இறைச்சிகளை மீட்டனர்.

இதனையடுத்து கைது செய்யப்பட்டவரை மட்டக்களப்பு நீதவான் நீதிமன்ற நீதவான் றிஸ்வான் முன்னிலையில் ஆஜர்படுத்தியபோது அவர் 20 ஆயிரம் ரூபாய் தண்டப்பணம் செலுத்துமாறும்

கோழி இறைச்சிகளை பறிமுதல் செய்து அழிக்குமாறு உத்தரவிட்டார் என பொது சுகாதார பரிசோதகர்கள் தெரிவித்தனர்.

யாழருவி நிருபர் கனகராசா சரவணன்